2019-06-20 11:55
+(976)-11-315735 | @: info@legalinstitute.mn | English

ХУУЛЬ ЗҮЙ, ДОТООД ХЭРГИЙН САЛБАРЫН ҮЙЛДВЭРИЙН ГАЗРУУДЫН БҮТЭЭГДЭХҮҮНИЙ ҮЗЭСГЭЛЭНД ХЗҮХ АМЖИЛТТАЙ ОРОЛЦЛОО.

Монгол Улсын Засгийн газрын тогтоол, хуралдааны тэмдэглэлд үндэсний үйлдвэрлэлийг дэмжиж, дотоодын үйлдвэрлэлийг нэмэгдүүлэх бодлого хэрэгжүүлэхээр заасан байдаг. Үүний дагуу Хууль зүй, дотоод хэргийн салбарын улсын төсөвт, төрийн өмчит аж ахуйн тооцоот үйлдвэрийн газрын үйлдвэрийн бүтээгдэхүүн болох барилгын материал, тавилга, мал аж ахуй, газар тариалангийн үйлдвэрлэлийн бүтээгдэхүүн, гутал, хувцас, гар урлалын бүтээгдэхүүнээ олон нийтэд танилцуулан, сурталчлах, захиалан авах боломж бүхий Үзэсгэлэн  Монголын үндэсний худалдаа аж үйлдвэрийн танхимд 09-17 цагийн хооронд 3 дахь жилдээ амжилттай зохион байгууллаа.

Үзэсгэлэнгийн нээлтэд Хууль зүй, дотоод хэргийн яамны Төрийн нарийн бичгийн дарга Г.Билгүүн, яам болон түүний харьяа агентлаг, байгууллагуудын дарга, удирдлагууд оролцлоо.

Энэ удаагийн үзэсгэлэнгийн нэг онцлог нь улсын төсвийн хөрөнгөөр 2018 онд үйлдвэрийн тоног төхөөрөмжийг шинэчилж, үйлдвэрлэсэн шинэ бүтээгдэхүүн, шинэ технологийг танилцуулан, төрөөс иргэдэд үзүүлэх төрийн үйлчилгээг чирэгдэлгүй болгох цахимжуулах ажлын хүрээнд Хууль зүй, дотоод хэргийн салбарт нэвтрүүлсэн шинэ үйлчилгээг агентлаг, байгууллагууд чиглэл чиглэлээрээ танилцуулсан юм.

Хууль зүйн үндэсний хүрээлэнгийн Хэвлэх үйлдвэр нь хүрээлэнгийн тогтмол хэвлэл “Захиргааны хэм хэмжээний актын эмхэтгэл”, “Хууль дээдлэх ёс” сэтгүүл мөн тус хүрээлэнгээс эрхлэн гаргаж байгаа эрх зүйн баримт бичгийн эмхэтгэл, эрх зүйн ном, гарын авлага, сургалт, сурталчилгааны материал олон нийтэд танилцууллаа.

Мөн энэхүү үзэсгэлэнгийн үеэр Хууль зүй, дотоод хэргийн яамны харьяа агентлаг байгууллагууд тодорхой чиглэлээр иргэд олон нийтэд үйлчилгээ үзүүлэх бөгөөд Улсын бүртгэлийн байгууллагаас цахим системээс 23 төрлийн лавлагаа иргэдэд олгох, 25, 45 насны иргэдийн иргэний үнэмлэхний хугацааны сунгалт хийх, хаяж үрэгдүүлсэн иргэний үнэмлэхээ гээсэн иргэдийн захиалгыг хүлээн авах, Төрийн тусгай алба хаагчдын нэгдсэн эмнэлгээс ясны сийрэгжилт, биеийн найрлагын оношлогоо, эхо үзлэг хийх, Хууль зүйн туслалцааны төв үнэ төлбөргүй хууль зүйн зөвлөгөө өгөх гэх мэт үйлчилгээ үзүүллээ.

Төрөл: Мэдээ