Хууль зүйн англи хэлний сургалтыг 12 дахь жилдээ амжилттай зохион байгууллаа

  • 2024-07-02
  • Ц.Энхжин
  • 51
Хууль зүйн үндэсний хүрээлэн хуульчдад хууль зүйн англи хэлний бичгийн болон бусад чадвараа хөгжүүлэхэд нь түлхэц үзүүлэх, арга барилаа олоход нь чиглэл өгөх зорилгоор 2012 оноос эхлэн Хууль зүйн англи хэлний сургалтыг зохион байгуулж байна. Энэ удаагийн сургалтыг 2024 оны 06 дугаар сарын 04-ний өдрөөс 27-ны өдрийг дуустал зохион байгууллаа.
Хууль зүйн англи хэлний сургалтыг “Гэрээний эрх зүй”, “Компанийн эрх зүй”, “Хөдөлмөрийн эрх зүй” зэрэг сэдвээр англи хэл дээрх бичвэр унших, гол агуулгыг ярилцах, англи хэл дээр баримт бичиг боловсруулах, англиас монгол, монголоос англи хэл дээр орчуулгын практик хийлгэх байдлаар МУИС-ийн ХЗС-ийн Нийтийн эрх зүйн тэнхимийн багш, LL.M. Э.Туулайхүү заав.
Сургалцагчид хууль зүйн бичлэг (Legal writing)-ийн хэв маяг, арга техникийн үндсэн ойлголтыг авч, англи хэлний хууль зүйн нэр томъёоны хэрэглээ, орчуулах арга зүйд суралцлаа.
ХЗҮХ-ийн Эрдэмтэн нарийн бичгийн дарга, Хууль зүйн ухааны доктор (Ph.D) М.Түвшинжаргал 2024 оны 06 дүгээр сарын 27-ны өдөр тус сургалтад амжилттай хамрагдсан суралцагчдад ГЭРЧИЛГЭЭ гардууллаа.