ИРГЭНИЙ ЭРХ ЗҮЙН САЛБАРЫН ЗАРИМ ХУУЛИЙН ХЭРЭГЖИЛТИЙН ҮНЭЛГЭЭ ХИЙХИЙГ УРЬЖ БАЙНА
- 2023-10-31
- Ц.Энхжин
- 477
Хууль зүйн үндэсний хүрээлэн нь хууль тогтоомжийн төлөв байдал, хандлага, хэрэгцээ, шаардлагыг урьдчилан тандан судлах, хуулийн хэрэгжилтийн үр дагаварт үнэлгээ хийх, эрдэм шинжилгээний зөвлөмж, аргачлал боловсруулах, хууль тогтоомжийн төсөлд шинжлэх ухааны санал, дүгнэлт өгөх, хууль зүйн бодлогын суурь болон харьцуулсан судалгааг хийх, бусдаар гүйцэтгүүлэх чиг үүргийг хэрэгжүүлдэг.
Уг чиг үүргийн хүрээнд дараах сэдвийн дагуу судалгаа хийж гүйцэтгэх судлаачдыг сонгон шалгаруулж байна. Үүнд:
- Иргэнийн хуулийн төлөөллийн харилцаан дахь итгэл үнэмшлийг хамгаалах зохицуулалт, түүний хэрэглээ.
Судалгааг Засгийн газрын 2016 оны 59 дүгээр тогтоолын зургаадугаар хавсралтаар баталсан “Хууль тогтоомжийн хэрэгжилтийн үр дагаварт үнэлгээ хийх аргачлал”-ын дагуу хийнэ.
Тавигдах шаардлага
- Судлаач нь хууль зүйн ухааны магистр болон түүнээс дээш зэрэгтэй байх /Багаар ажиллах тохиолдолд судалгааны багийн ахлагч докторын зэрэгтэй байх/,
- Багаар ажиллах тохиолдолд 2 хүртэлх хүний бүрэлдэхүүнтэй байна
- Сонгон авсан сэдвийн талаар өмнө нь судалсан, тус чиглэлээр мэргэшин ажилласан туршлагатай бол давуу тал болно.
Бүрдүүлэх баримт бичиг:
- Судлаач бүр боловсрол, мэргэшил, ажлын туршлагыг харуулах танилцуулга /CV/-ыг гүйцэтгэсэн судалгааны ажлын жагсаалтын хамт хавсаргасан байна.
- Судалгааны мэдүүлгийн үнийн саналыг ирүүлэх.
Хамтран ажиллах хүсэлтэй судлаачид дээр дурдсан баримт бичгийг 2023 оны 11 дүгээр сарын 03-ны Баасан гарагийн 15 цагт багтаан info@legalinstitute.mn цахим хаягаар ирүүлнэ үү.
Холбоо барих утас: 11-323833